Woh jazbon ki tijarat thi...
Woh jazbon ki tijarat thi, yeh dil kuch aur samjha tha Usay hansnay ki aadat thi, yeh dil kuch aur samjha tha Mujhay us nay kaha ...
Woh jazbon ki tijarat thi, yeh dil kuch aur samjha tha
Usay hansnay ki aadat thi, yeh dil kuch aur samjha tha
Mujhay us nay kaha aao nai dunya basatay hain
Usay soojhi shararat thi, yeh dil kuch aur samjha tha
Hamesha us ki aankhon main dhanak kay rang hotay thay
Ye us ki aam aadat thi, yeh dil kuch aur samjha tha
Woh meray pass betha dair tak ghazlain meri sunta
Usay khud say Muhabbat thi, yeh dil kuch aur samjha tha
Meray kandhay pe sir rukh ker kaheen kho gai thi wo
Yeh ik waqti inayat thi, yeh dil kuch aur samjha tha
Mujhay wo daikh ker aksar nigahain phair leti thi
Yeh dur perda haqarat thi, yeh dil kuch aur samjha tha
Post a Comment: